يمر بيه ظفائر شوك
تتلوح عله امتونه
ويمر بيه امل محتار
تشوف الامل بعيونه
وازحف والجرح قتال
وشمّاته يشوفونه
وانهض ماتذل الروح
حلاة اليحب بجنونه
اشكثر حبل الموده رادوا يقطعون
لكن حبل الموده وياك باقي او ما يقطعونه
مهو حبك ابنص الروح
مخفي وين يلكونه
اعلكلك اضلوعي شموع
وضواهن مايطفونه
يمر عيدك عليه اهلال
يصيام الوكت نفطر ابماعونه
يكحيل المدرب حام بالميدان
صهيل اكحيل اتحدى يمنعونه
( يسباح الشواطي يخضر من اجديد
اشما رادوا يقطعونه )
كلامي واضح ومعلوم
وكل اهلي يعرفونه
يالعايش وياي بنص رفيف الروح
بسجين الشماته ما يلوحونه
عمرك مانعده اسني شباب ازغير
خله اقره الفلق خافن يحسدونه
عجيبه انجرح سبع الكون
ومع جرحه يخافونه
شجاع وكطّعوا جفه
وكض سيفه عله اسنونه
حبيبي اشلون اوصفه اشلون
وما كدروا يوصفونه
الأربعاء أكتوبر 13 2010, 22:26