حقي لو أعتب يكلبي حقي لو من صدري اشلعك
حقي لو أحرك أشواكك حقي لو من جسمي اطلعك
لان أنته الي هويته حاولت ياكلب امنعك
هسه حطم كل حياتك وجفف الهجران دمعك
هسه هل خلاك وحدك بليلك ناطرت شمعك
ليش تشتاكه وتريده ولو اجه ولاشي يردعك
تركض وتشبك هواه ولا جن ظل دوم يخدعك
ليش ماتنساه كلش ليش مو كافي يلوعك
من نحت محد بجالك ومن صحت ياهو الي يسمعك
وك حقي الومك ياكلب مكرود من بين ربعك
كافي مو نزلت كدري لو يمر مديت صبعك
وأصرخت اي هذا ولفي مو ولفه ياهو اليقنعك
انساه ياكلبي كلش وداعته لا ماينفعك
شفته ابعينك يكلبي نزلك وانه الرفعك
حقي لو ابعدك عنه طبعة ولا مثل طبعك
راح ويه الغير يحجي وكل عهد عنه ينزعك
اهدة يامسكين واذكر جرح عن حبه يردعك
الأربعاء أكتوبر 13 2010, 22:30