حرت بيمن اشبهك وانت احلى انسان
بشبيهك ماسمعت ولا عيني شافته
بس انت الشبيهك وانه احس مرات
حتى انت اعتقد ماتشبهك انت
حللتك صرت بيدية سبع الوان
مصيبة شلون اذا كل لون حللته ؟؟
محسود آنه من اليوم لان اهواك
لانك بالگلب... وك عيني حسدته
مني ومن عيوني اهواي اغار عليك
خل نكتلني فدوة وننهزم سكته
ياعطر العطر شفت آنه ذاك اليوم
ورد قداح شالك وانت عطرته
يلفوگ النجم طلّعت بس رجليك
حوّل صاب النجم وعليك سهرته
حتى الماي يعرك من يشوفك جاي
وخطيه يصب خجل لو بيدك المسته
الاغرب بعد والاكثر غرابه انوب
لمسته بيدك وانت بللته
دوهلت البشر خبلت چم انسان
وچم عاقل سحرته وبنظرةخبلته
حتى الجني حبك شافك انجن بيك
ادري الجني هذا شلون جننته؟؟
يل مدري شنهو ومدري جيت شلون ؟؟
سبحان الذي صفاك من جنته
تحبني هواي احبك اكثر
كل يوم حبي الك يزيد ويكثر
يل علمتني شلون اهواك
بدونك ماعيش والله مااكدر
يل عينك من توكع علّي يصعد السكر
يل علمودك هجرت النوم
ومن وره حبك كل يوم اسهر
يل خبلني جمالك يابو دم عسل يااسمر
الأربعاء أكتوبر 13 2010, 22:36