شجابك ياحلم

شجابك ياحلم لا ورجعتلي ليش
تهيج جروح نامت عمر تتحسر
بعد مات الكلب راجع علي شتريد
هسه الشوك هزك كمت تتذكر
ما اكدر بعد من النهايه ابديك
ولا من البدايه ابديك ما اكدر
بعيونك غفيت وصحتك انه بشوك
وماهزك حنين وكلب يتفطر
وينك موجنت بيدك حمامة طير
بس هسه تقيد جنحي وتكسر
حرام تفك جرح بيدك جنت تجوي
وانت اعلى اليضمدك جنت تتبطر
كافي ارجوك حملك هدلي حيل الحيل
مابيه حزن وهموم بعد اكثر
ولاتبجي بعد مايرجع الي راح
كافي عليك ابجي واتعب واسهر
ارحمني دخيلك كافي خلني ارتاح
ودورلك محب اعليك يتعطر
هواي من البشر صدكني يتمنوك
وعدهم حلم انت وحلم تتفسر
وعشك بالكلب خله المزاج بعيد
وبالك عل يحبك لحظه تتكبر
اليرسمك عل جرف بالروج لجازي
وتمحي احلام خلصت عمر تتحضر
العلي ثكلن هموم وظهري منجل صار
وظهرك سيف سل ووجهك مدور
وتمثيلك قريته وبيك شفت افلام
تحبس لهفتك وبدمعه تتنكر
ادري شبيه كلي وماعجبتك ليش
لويعني اليحبك يعشك المحشر
ومن اذكر لهفتي وذاك تعبي الراح
تطك بيه حسرتي بروحي تتفجر
دمرني غرامك والغرور البيك
بعد شتريد مني ابيش ادمر؟؟

[

color=blue]روعـــــــــــــــــــــة يااســــــيرة [/

color]