يا موطنييييي

يا موطني

عمت عينك يا زمان شلون ترضى بهاي ...

العراق وينغزي وتغتصب ارضه

من بعد ذيج الجلاده ورفعت الراس

يندار الزمان وينكسر قدره

عمت عينك يا زمان شلون ترضى يهاي

مهد الحضارات وياهو الي ينكره

رمز العرب واصل العرب منه وبيه

ويكتب التاريخ بأول السطره

عراق العراقه ومرسى المرسلين

والي يذكر التاريخ لابد يذكره

انت تاريخك ذهب وكل الزينات بيك

وياهو يلحقه وياهو الي يقدره

سلامي الك يا موطني يا ابو النهرين

سلامي الك يا ابو الغيره النخوه

سلامي الك من كركوك لحد الفاوي

سلامي الك من بغداد للبصره

يوم جار الزمان عليك وطرك البين

والشامت شمت بيك بنصره

طحت واقف ولا صحت أحاه

عابنك اسد ويقوي عل جرحه

خونت بيه العروبه واجلاب الأمريكان

وكلها اليوم لجرحه متنكره

العراق وجريح ومكسور الجناح

والعالم يتباوع بنظره

غريق الدم مصوب رماح

وهم ولا بيهم مروه

ما اظن عدهم عروبه ولا دين

ولا فزعه البيهم ولا نخوه

وهو ظلال العرب يوم الزمن جار

وهم ولا بيهم مروه

عمت عينك يا زمان شلون ترضى بهاي ...

العراق وينغزي وتغتصب ارضه

انت الفارس الي ما يهاب الموت

وما تنطفي ناره وجمره

انت جبل وعليك جبال ترتاج

جبل بهيبته وقدره

ولك انت الدول كلها منك اتخاف

والي يجيسك ينكسر نحره

يا هو الي يقدرك .. مت قلي شبيك

ساكت وتخنقك العبره

وانت ابو الصبر رغم والمآسي واللوعات

والناس كلها تحسده عل صبره

تشهدلك ثورة العشرين يا ابو الثورات

ابتدت بالرميثه وانتهت بالشطره

تشهدلك الشجره الخبيثه ومحافظة ذي قار

اقلبوها عل العدو نار كبره

انهض يا عراق وبسك عاد

وخلك للعدو موعظه وعبره

انهض يا عراق وقاوم الجلاد

وانت بزلم شعبك اليوم ادره

ابد ما نرضى يا موطني بغير هاي

بغداد ولا بد تضل حره

[ندعوك للتسجيل في المنتدى أو التعريف بنفسك لمعاينة هذه الصورة]

عاشت ايدك حبي الملاك على هاي القصيدة الروعة .. اي والله مع الاسف على الزمان . وارد اجاوب الدنية وكلهة ؟؟؟عمت عينج يدنية دوم ضد الزين .. كل يوم والج فرة مدري وين اوين .. اذا صاحبتي صاحب يوم لو يومين .. ويوم الثالث اضيعين عنوانة يدنية ..تقبل مروري يالغالي

والله قصيدة روعة عاشت ايدك وايظا كلام على عراق جميل
تحياتى الكم