مجموعة من الاشعار العراقية المسمات بالعتابة

--------------------------------------------------------------------------------

هذه اشعار عراقيه
او بالحره لون من اللوان الشعر العراقي المسمى ب العتابه
العتابه هي لون من اللون الشعر وهي تتكون من ثلاثه اشطر كلها على نفس الوزن
والشطر الرابع يخالف الثلاثه الاوله
هذه تعريف بسيط عن العتابه
واغلب الشعراء اللي يقولون عتابه هم في وسط وجنوب العراق
واختر لكم مجموعه من شعراء مختلفين

اظل اكتب شعر للزينين ونشد
وسأل على الصاحب دوم ونشد
واصير حزام وقت الظيق ونشد
لك عزيز وغالي عليه

يطارش لو رحت لهناك مرهان
وخبرهم تراني بسجن مر هان
ان كان الزاد عندكم حلومرهان
شحلات الزاد لو تقعد سويه

دليلي انسحن عالخلان ونظر
ونحل جسمي بجفاكم حيل ونظر
ادير العين عالدربين وانظر
لاجوني ولا دزو جواب اليه

سكاني الدهر من فركاك بس مر
وشهد ماشفت من دنياي بس مر
رمش عيني فراش لك بس مر
وترد الروح من تسأل عليه

جروحك للشمس ياقلب شرهن
وليالي السهر ماينحمل شرهن
الك عمري رهنته بعد شرهن
اذا حتى العمر ماعاد اليه

هجم حبك على سنيني وغزلها
وروحي بمغزل السحرة وغزلها
القصايد بس الك لايق غزلها
شكثر افرح لو تسأل عليه

حبيبي مابدله بالذهب لو مال
وصيرله سند للحمل لو مال
خاف تكول تعب مني لو مل
اظل وياك لاخر نفس بيه

يلكدامك علي مايوم خطت
عليك اقلام قلبي شواق خطت
اريد اعلن عليك اليوم خطت
زئير الاسد يلمبعد عليه

نشم عطرك يغالي من هوانه
ونحب كلمن يحبنه من هوانه
اشتظن نكدر نعوفك من هوانه
لو عفتك مصيبه تحل عليه

اكص قلبي بجفاكم ان تهاوين
واظل اسأل ودور انته ها وين
قذيفه اصبحت انا ونته هاون
وشضيه اصبحت ماتلحك شضيه

حبك بالضلع مسمار مندق
وحس قلبي يسولف بيك من دق
كمت اركض على الجوال من دق
لان ادري العزيز اتصل بيه

ركيت جبال ماتشرف عليهم
ودمع العين مابطل عليهم
يطارش لو رحت سلمنه عليهم
وشوفهم نسوني لو بعد بيهم رجيه

يغالي الذهب مايرهم وصف لك
وكتب شعر من قلبي وصف لك
تعال بقلبي مدرستك وصف لك
اذا تاخذ صفر انطيك ميه

كتايب جيش لعيونك وشرطه
علي احكام مفروضه وشرطه
لشك ثوبي على فراكك وشرطه
دكلي بيا ذنب تحكم عليه

مع تحياتي العطرة

شعر جميل من اخ عزيز علينة
احسنت الاختيار

تقبل مروري اخي العزيز

مع كامل اخلاصي وحترامي لك

» صحبــــــــــــــه عراقــــــــــــــــــــــيه